hulog sa bitag!

kahapon ay bumalik kami sa pond para muling subukan ang aming kapalaran sa pamimingwit ng isda sa ikatlong pagkakataon. nagdala kami ng nylon, mas maliit na hook kesa dati at yung pain pa rin namin ay yung maliliit na shrimps. pagdating doon ay sinimulan na namin ang pagkabit ng hook sa nylon. at pagkabit ng nylon sa sanga. tatlo kami. kaya tatlo ang ginawa naming pamingwit para more chances of winning ikanga. hahaha. isipin nating may dalawamput limang isda lang ang lumalangoy sa pond na yun. at iisa lang ang aming pamingwit. so 1/25 = 0.04. so 4% lang ang probability na makahuli kami. ikumpara natin sa tatlong pamingwit. so 3/25 = 0.12. so 12% ang chance namin na may mauto kaming isda. hahaha. sasabihin ninyo 'bakit di nalang kayo gumawa ng dalawamput limang pamingwit para siguradong may mahuli kayo?' una. nakakatamad. dalawa. kukulangin na kami sa nylon, hook at pain. tatlo. baka abutan na kami ng gabi sa paghanap na mahabang sanga. apat. excited na kami sobra makapwesto at mamingwit. lima. hindi naman talaga 100% sigurado na makahuli kasi nga ang laki ng pond. hindi natin 100% alam kung saan talaga ang lokasyon ng mga isda. at hindi rin natin 100% alam kung titirahin nila yung mga pain baka kasi busog rin sila. haha. basta ang daming factors. kailangan ko pang mag-review. basic statistics lang ang gusto kong ipakita. more chances of winning ikanga. nagsalita ang unemployed statistician. hahaha.

okey heto na! nakahuli na rin kami sa wakas! ang unang klaseng isda na nahuli namin. hito ata ito. di namin masyado alam. mga tatlong pulgada lamang ang liit nito. ako ang unang nakahuli sa amin kasi ako ang unang nakapaghanda ng pamingwit. hahaha. pero sa buong hapon ay isa lang ang nahuli ko. nakatatlo o apat na mga kaibigan ko. hahaha. pero okey lang. masaya pa rin. ang ikalawang klaseng isda na nahuli ng isang kaibigan ko ay isang maliit na tilapia. ayun sapol sa hook. haha.  

masayang masaya kami kasi may nauto na kaming mga isda sa wakas. hahaha. nakakaaliw talaga ang pangingisda!